خبر: ش

د فدرال کابینې د ګازو او نفتو شرکتونو د ونډو پلور او د دولتي اډو فرمان له اماراتو سره له دوه تر ۲.۵میلیارده ډالرو پلور تصویب کړ. متحده عربي اماراتو په مې میاشت کې اسلام اباد ته له نغدي ورکړې څخه د پخوانیو پورونو د نه ورکړې له امله ډډه وکړه او پر ځای یې غوښتنه وکړه چې د پانګونې لپاره شرکتونه پرانیزي. (Tribune Pakistan)

تبصره:

ښکېلاک پایته نه دی رسېدلی، یوازې یې بڼې بدلون کړی. د پرمختګ په حال کې د هېوادونو د خپلواکۍ له پراخوالي څخه د مخنیوي لپاره تر ټولو ارزښتمن ابزار پور و. پاکستان کمزوری اقتصاد رامنځته کړ او هیله‌مند و چې له الله سبحانه وتعالی څخه د ډارېدونکو واکمنانو له خوا به اداره شي او د اسلامي نړۍ د پرمختګ په مسیر کې به د اسلامي حکومت تر چتر لاندې پرمختګ وکړي.

د استعمار تر پړاو وړاندې بریټانیا د وریجو او منسوجاتو غوندې توکي له هندي تولیدونکو څخه په سپینو زرو اخیستل.

خو کله چې د هندوستان په سوداګرۍ کې ختیځ انحصاري شرکت رامنځته شو، نو چور او چپاول یې پیل کړ. د بریټانیا ۲۰۰کلنه واکمني نه یوازې د دې لامل شوه چې ستر توکي له لاسه ورکړي، بلکې دغه قوانین په ستره کچه بیرته پرې راوګرځېدل. د ښکېلاکګرو او مزدورو واکمنانو تر منځ تړون پر دې اساس و چې هر یو خپلې ګټې خوندي کړي. له ابو خیدایش څخه روایت دی چې رسول الله صلی الله علیه وسلم فرمایلي:

«الْمُسْلِمُونَ شُرَكَاءُ فِي ثَلَاثٍ فِي الْكَلَإِ وَالْمَاءِ وَالنَّارِ»

ژباړه: مسلمانان په درېیو شیانو کې شریک دي: څړځایونه، اوبه او اور.

د پاکستان واکمنان د پیدایښت له وخته بیا تر نن پورې په بې شرمانه ډول خپله اساسي شتمني پلوري. کیسه تل په پور، له لاسه ورکوونې او د پخواني حکومت په ټمبلۍ  پیلېږي او د خلکو د پراخې قربانۍ په ورکوونې پایته رسېږي. د پخوانیو پورونو د ورکړې لپاره د پیسو له نړیوال صندوق او نورو ادارو د نورو پورونو تر لاسه کولو نه یوازې د پاکستان اقتصاد فلج کړی، بلکې د خلکو پت او عزت ته یې هم زیان رسولی دی. موږ د (PTCL) په څېر د ارزښتمندو شتمنیو د له منځه وړلو شاهدان وو.

په ۲۰۰۵ م کال کې د یو بې کفایته او نامناسب ستر شرکت تر طرحه کولو وروسته د پاکستان حکومت ۲۶سلنه ونډې د دوبۍ اتصالات ته په ۲.۶میلیارده ډالرو ورکړې. د (PTCL) شرکت په خصوصي کېدو سره په جنوبي اسیا او سیمه کې په فناورۍ کې تر ټولو پیاوړی شرکت و. تازه دغه شرکت په ۴۵۲میلیونه خالص سود سره خپل کلني عاید ۱.۴میلیارده ډالر ثبت کړي دي.

په څلورو کلونو کې د شرکت د مارکېټ ارزښت ۷۵سلنه راټیټ شو چې په پایله کې یې د پاکستان حکومت ته درې میلیارده ډالر زیان واوښت. پر دې سربېره، اتصالات شرکت نن ورځ د حکومت ۸۰۰میلیونه ډالر پوروړی دی، چې د اوسني ارزښت دوه برابره دی. د دې کچې پوره کېدو پر ځای حکومت له عربي اماراتو نور پور هم غواړي. 

د پاکستان د انرژۍ سکټور خصوصي کېدو د دغه هېواد کورنی اقتصاد فلج کړی او پاکستان د پورونو په ناوړه کړۍ کې راګیر دی. که موږ د پاکستان بانکونو ته وګورو، په ۲۰۰۰ م کال کې لیدل کېږي چې هغوی له خصوصي کېدو څخه ډېره ګټه تر لاسه کړه، ځکه دغه ګټه دولت ته له پور ورکولو څخه ده.

که موږ خپله دنده او تګلاره په سمه توګه ترسره کړو او د نورو په زیان له لوبې لاس واخلو، نو د ټولې نړۍ لپاره به یوه بېلګه شو. دا څه به نه یوازې د اقتصادي ودې لامل شي، بلکې موږ به پر دې توانېدلي وو چې الله سبحانه وتعالی خوشحاله کړو.

د اسلام اقتصادي تګلاره له اسلامي عقیدې اخیستل شوې. بله هره پالیسي معیوبه او ثبات نه شي رامنځته کولی، ځکه هغه به د انسان د عقل پر اساس جوړه شوې وي. پر همدغه اساس، د اسلامي دولت پالیسي د ملي عواید ډېرېدو پر اساس نه ده، بلکې پر امت د کورنۍ او بهرنۍ شتمنۍ د وېش ضانت کوي، څو په دې سره د وګړو اساسي اړتیاوې پوره شي. د خلافت دولت مشر د هغه مال ساتونکی دی چې د مسلمانانو د سیمو د اړتیا پر اساس دغه شتمني پرې ووېشي.

«خوالله انصاریه» روایت کوي چې رسول الله صلی الله علیه وسلم وفرمایل:

«إِنَّ رِجَالًا يَتَخَوَّضُونَ فِي مَالِ اللَّهِ بِغَيْرِ حَقٍّ فَلَهُمْ النَّارُ يَوْمَ الْقِيَامَةِ»

ژباړه: یو شمېر انسانان د الله سبحانه وتعالی مال تر لاسه کوي لکه د مسلمانانو بیت المان ، زکات او نور او د قیامت په ورځ به جهنم ته ولاړ شي.

د حزب التحریر مرکزي مطبوعاتي دفتر

ژباړه: بهیر «ویاړ»